| Kaingatan kuitan tarus |
| Senin, 13 Oktober 2008 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 Ada nang ingatlah wan Julak Ibud, nang mati diigut buhaya. Ada jua pang sudah kisahnya. Nangini pulang kisah anaknya Julak Ibud, Ijun, sapupu dua kali si Kacil. Subujuranya ngaran Ijun nitu Joni, tapi nang kada di kampung kada di kuta sama haja pada katuju baisian ngalar galar atawa ngaran kiyauan, makanya am Joni dikiau Ijun.Kisah nangini kajadiannya pas hari raya sumalam. Kada nang kaya hari raya nang masih, Ijun ada haja baisian kuitan nang langkap, abah wan uma, pas hari raya sumalam Julak Ibud, kuitan Ijun sudah kadada lagi. Haji Ipul, kuitannya Kacil nang paranahnya mamarina Ijun mahatiakan juga sual nang sabuting nangini.
Marga asa maras nangitulah, Haji Ipul wan bini sidin mambawai Ijun wan umanya bahari raya di rumah sidin haja. Kacil gin himung jua batamuan wan sapupu dua kali nang lawas kada tatamu limbah Ijun maumpati kuitan baangkut ka gunung marga takutan diigut buhaya sumalam. 2 hari mahadapi hari raya, Ijun wan umanya sudah bamalam di rumah Haji Ipul. Kacil pina rami banar bajalanan limbah saur wan parak buka. Kacil mambawai Ijun bajalanan kasana kamari mamakai sapida mutur, tapi kada lagi Kacil manyuruh Ijun bapingkut nang kaya inya manyuruh si Idang bapingkut sumalam nang maulah inya kada di hirani si Idang. Kada saapa hari raya sudah. Pas malam urang batakbiran, Ijun wan Kacil umpat jua ka masigit wan batakbiran kuliling kampung. Nang kuitan Haji Ipul, baganaan haja di masigit mangganii buhan panitia fithrah. Isuknya pas hari raya urang sumbahyangan Id di lapangan bal subalah kampung. Limbah tuntung sumbahyangan, Ijun wan Kacil, tamasuk jua kuitan buhannya bulikan ka rumah Kacil. Nang kaya nang masih jua sabah hari raya, baampunan barataan. Nang kada kawa dikaramputakan nitu mata umanya Ijun nang pina habang, sidin kaingatan wan Julak Ibud, panambayannya hari raya nang kadada Julak Ibud, abahnya Ijun. "ayuha Umanya Ijun ai...", ujar umanya Kacil, "basabar haja. Baik kita batatap gasan makanan hari raya nangini tampulu takumpulan." Ujar umanya Kacil pulang mambawai umanya Ijun bahauran, supaya kada tapi kaganangan. Ijun mandam haja pang malihat nang uma kaganangan abahnya. Kada lawas buhan Haji Ipul sakaluargaan makanan, tamasuk Ijun nang mahantup banar lawan garih batanak. Kacil bapaluh liir, bahanu muntung hiut-hiut kapanasan wan kanyamanan. Tuntung makanan, mulai pina rami buhan nang tuha manggayaakan kalakuan Kacil wan Ijun parahatan makan. Mambahanu mangalakak tatawaan barataan. Sakalinya Ijun hanya nang kada umpat tatawa, inya tadiam saurangan kada umpat bapandir wan tatawaan. "hau... kanapa ikam Juan? kakanyangan banar kah?" ujar Kacil manakuni Ijun. ".. kada cil'ai... mun babaya sapiring ha lagi, muat haja parutku..." ujar Ijun manyahuti Kacil Kuitan Kacil wan umanya Ijun mandangarakan haja napa jar buhannya badua bapandiran. "limbahitu pang kanapa ikam pina mandam haja kada basuara..." Ujar Kacil pulang manakuni Ijun. "kaini cil ai, aku tu saban limbah makan, balaluan kaingatan wan kuitan......" ujar Ijun manyahuti kacil. "ayuja Jun ai. Ikhlas haja, sidin nyaman sudah wayahini..." ujar kacil mamagat pandiran Ijun. "kada kaya itu pang cil ai..." "bujuran Jun 'ai, bauntung arwah abah ikam baisian anak nang mangganang sidin limbah makan. mudahan ikam ingat tarus mandu'a akan sidin, supaya sidin nyaman..." ujar Haji Ipul pulang manambahi. Umanya Ijun mandam mandangar Ijun bapandir. Balukuk sidin balaluan dipusuti umanya Kacil. "Kada kaya itu pang Julak ai..", ujar Ijun manyahuti Haji Ipul. "limbahitu pang nangapa?" ujar abahnya Kacil manakuni. "Gigi ulun ni balubang lawan pina jarang. Makanya am ulun limbah makan rancak banar kasulitan, makanya am ulun haur mancarii kuitan haja imbah makan..." ujar Ijun manyahuti. "nah hikamam... jadi nang ikam pandirakan nangini sual ...." ujar Haji Ipul. Baluman tuntung sidin bapandir Ijun sudah manyahuti., "inggih... Julak ai, ulun kaingatan kuitan gigi...". Haji Ipul wan bini sidin tadiam mandangar sasahutan Ijun, handak tatawa ngalih, handak kada katia abut manahani tatawa. Umanya Ijun nang kada kawa manahani banyu mata, tunggal dikitan banyu mata sidin barabakan. Kacil nang kata tahan. Malabuk balukuk Ijun di tapaknya Kacil, "makanya am... Jun ai, mun bapandir tu batata. Bangaga dahulu hanyar baucap..." ujar Kacil.
Mohon Pengertiannya...
Komentar Tak Sesuai Topik dan/atau Komentar Lain pada suatu Topik Harap dimuat pada Buku Tamu 3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved." |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
, Salut untuk pakacil... 
Pian..
ha ha ijun ngitu pina basusial banar, kanapa garang amun kaingatan kuitan, tarus handak manangiskah 
| < Sebelumnya | Selanjutnya > |
|---|
Pakacil's Partial Feed
| Maraga Kahandakan BakoyoHaji Ipul, abahnya Kacil, tamasuk urang nang rajinan banar. Mun kada rajinan, nyata banar sidin kada taurusi kabun sidin nang palaluasnya di kampung nitu. Mambahanu, parahatan hauran nang lain, sawat... tuntungakan ! kalu kapuhunan ! |
| Kisah nang lainnya ... |
Banjarbaru di Kepala Saya (01) ahh... setelah saya perhatikan betul-betul, sudah cukup lama saya tidak menuliskan sesuatu dalam kategori Mengitari Banjarbaru pada magazineblog saya ini. Entah karena apa, bisa jadi karena...selengkapnya ... |
| Terus Mengitari Banjarbaru ... |
| Entah Sampai Kapan Keyakinan Itu Ada"Bagaimana Bang? Berikanlah kesempatan ini kepadanya, setelah itu, kita bisa atur posisi yang tepat untuk Abang..." Lelaki yang dipanggil abang itu tersenyum, diteguknya es teh, salah satu minuman... selengkapnya ... |
| Mungkin di sudut lain ... |
- Karamunting
- 2000-9 dan 4000-18
- Kandangan, Tanuhi dan Doa Saya
- Hanya Sebuah Perjalanan Kecil
- Entah Sampai Kapan Keyakinan Itu Ada
- Saya Tahu Rasanya
- Jadi Penikmat Saja
- Jangan Pertaruhkan Nasib Kami !
- Menjadi Macam-Macam
- Seragam dan Teknik
- Selamat Idul Adha 1429 H
- 8 - 9 Desember 2008
- Antara Keberanian dan Kebodohan